الواجهة الرئيسية I منتديات خزامى نجد I  إتصل بنا
 
 
دواوين الشعراء
القصيدة
قصيدة سلطان الشعر للشاعر راشد الذويب
 

تابع جديدي سجل زواري إهداء القصيدة رشح قصيدتي فهرس ديواني



هزيت عرش القصيد وطاح سلطانه=وابكيت عشاق سلطانه ولاابكاني
وسبحت سبع البحور وجبت لي دانه=كله لعينى القوافي يوم تنخاني
مارحت للشعر عاني عند بيبانه=وياسعد عينه وياحظه اذا جاني
اقدر اخطاه واوقف على شانه=واقلطه وسط معلوقي وشرياني
لأنه كريم ٍ يمد القلب بإحسانه=وله وقفتٍ كنها من غالي إخواني
وان ضاق صدري ودك الهم ضلعانه=فرق همومي ووقف لي على شاني
وإن مر خلي يلد بنظرة اعيانه=عكست صورة حبيبي وسط قيفاني
واضحكت سنه ورمشينه وحجانه=واخجلت روحه وخدينه والأعياني
وإن طاح سوق الذهب واختل ميزانه=لاالسوق سوقي ولاالميزان ميزاني
خل ام سالم تجر الصوت طربانه=دام الهبايب تداعب روس الاغصاني


نشرت بتاريخ 10-03-2006


 


Powered by Dawaween V 1.03
تصميم - برمجة

تصميم : الرّاسم لخدمات التصميم برمجة : أبعاد الإنترنت للتطوير