الواجهة الرئيسية I منتديات خزامى نجد I  إتصل بنا
 
 
دواوين الشعراء
القصيدة
قصيدة غـصّات المفارق.., للشاعر ناصر مطلق البقمي
 

تابع جديدي سجل زواري إهداء القصيدة رشح قصيدتي فهرس ديواني


إلى خالي ..عبد الله شديد البقمي(ابو نياف)


يا بن شديـد دن دن هاجـوس فكـري دن دن=وارسلت لك قافي وانا مسافر على خط الجنوب
والي مسري هاجسي ذا الوقـت بالغـة الحسـن=وادعتها الساعه ثنعش12 من قبل تبدا فالركوب
قصت تذاكرها واهْي تبكي وانـا كلـي شجـن=حسيت بأني مختنق من عالمي ابغى الهـروب
لاكّن انا من وين ابا اهـرب واليالـي مابغـن=الا يسوقن البـلاوي كلهـا مـن كـل صـوب
على اتجاهً واحـدً كـل البـلاوي قـد عطـن=ياكن مابه غير درب القلب مـن بـد الـدروب
ياكنّهن من يوم جـن القلـب ياخـال احتّفـن=قلبٍ قسم بالله ياخالـي ماهـو مثـل القلـوب
قلبٍ يا ابو نياف انقى من صفا بيـض المـزن=من كثر ماهو صافيً غصـبً تجافيـه الذنـوب
لكن ثعى فيـه الفـراق وولعـت فيـه المِحـن=من زود ماهي ضرته ياخال نبضـه دوب دوب
راحت قسم بالله حتـى الارض والدنيـا بكـن=حتى المطار الأقلعت منّه بـدا وجهـه شحـوب
ماهيب رحله ثم ترد بتروح عـن كـل الوطـن=يعني انكتب اني اعيش ولابسً للحـزن ثـوب
ياشين غصـات اليالـي والمفـارق والزمـن=لاصرت محروم الفرح في دنيتك والحظ طـوب
ياليل قلي وش تبي وهموم ضيقك ليـش جـن=هو ليه دايم هكـذا لأنـواع ضيقاتـك جلـوب
ما يكفي انك دائماً تُحـاك فيـك اعظـم فِتـن=وانك كثر ما اوعدتني دايم تبيـن لـي كـذوب
تقول بكره ينتهنّ وهمـوم قلبـي مـا انتهـن=الا عَكَس ماتقول زادن وأشعلن فينـي شبـوب
ياكبر ما حملتنـي أثقـل عليـه مـن حضـن=اهمومي الي ما انجلن والقلب بالهـم امعطـوب
حتى عرفت ان الذكاء ماهـو زيـاده فالذهـن=واكبـر دلالات الغبـا دايـم معانـاة الرسـوب
وان الريـاح العاتيـه للـرزق فالدنـيـا ذرن=ماهي ملاعْبة السحاب وبـس فايـدْة الهبـوب
وان اليالي لاصفت لك يوم ثـم قيـل اضحكـن=لابـد تأتيـك اليالـي مـن بلاهـا بالخطـوب
وان الآوادم لو عطوك بطيـب يلحقهـا مِنـن=وان المراجل في زمنا صايره تحـت الكعـوب
كذا فهمت امن الحياه دروسها في صغـر سـن=لني شربت امن المرار فدنيتي من كـل كـوب
ياخال ما فيني صبر خـلاص جهـزت الكفـن=ابا اؤد احلامي وابا ادفنها على شـط الغـروب
هذي حكاية عاشقٍ همـه صـدح فالقلـب دن=في ساعةٍ متأخره فاليـل مـع خـط الجنـوب



نشرت بتاريخ 03-04-2006


 


Powered by Dawaween V 1.03
تصميم - برمجة

تصميم : الرّاسم لخدمات التصميم برمجة : أبعاد الإنترنت للتطوير