الواجهة الرئيسية I منتديات خزامى نجد I  إتصل بنا
 
 
دواوين الشعراء
القصيدة
قصيدة للصبر طاقه للشاعر سعد بن مسهوج
 

تابع جديدي سجل زواري إهداء القصيدة رشح قصيدتي فهرس ديواني







حسبت ان الطريق اللي بعدني عنك يدنيني=وحسبت ان القلوب اللي هوت بالحب خفاقه
وحسبت ان الزمن يعطي ولكن كيف يعطيني=وحسبت ان الصبر يبقى وانا ادري للصبر طاقه
تجاهلت الحياة لجلك .. ولجل انك تحبيني=وتعلمت السهر بـــدري واعـــد نجوم براقه
طويت ايامي الصلفة ونسيت هموم تطريني=وتحمل قلبي جروحه وحبك تجرح اشواقه
تتمنيت الغــــلا ساعه وساعه مـــدة سنيني=وتمنيت الهوا لحظة وتذوب بلحظة عناقه
تمنيت الحنان اللي يثور وتذرفه عيني=يرييح خافقي فيني وتنام عيون مشتاقه
صبرت ولا لقيت الا الاماني بينك وبيني=وبقايا احلام منثورة تسطر باقي اوراقه
تعبني هاجس الذكرى واظن انك نسيتيني=عساها تكذب ظنوني ونار الظن حراقه
حبيبي كم بكت عيني على جرحي تواسيني=مالوم العـيــن يا قلبي وحبك يذبح فراقه
يهون البعـد لو طول مدام انك تحبيني=ويهون الجرح يا حبي ويهون الليل وارهاقه






سعد مسهوج العلاطي

نشرت بتاريخ 30-10-2005


 


Powered by Dawaween V 1.03
تصميم - برمجة

تصميم : الرّاسم لخدمات التصميم برمجة : أبعاد الإنترنت للتطوير