الواجهة الرئيسية I منتديات خزامى نجد I  إتصل بنا
 
 
دواوين الشعراء
القصيدة
قصيدة ...ياحزينه..بأسئلك من قبل لأرحل.. للشاعر ناصر مطلق البقمي
 

تابع جديدي سجل زواري إهداء القصيدة رشح قصيدتي فهرس ديواني



طالعي وقت الغروب وتعرفين أشلون بأرحل=بس أنا لا من رحلت فمبدأي مانيب راجع
وأن ندمتي من فراقي ثم تمنيتي نكمل=أعرفي سنين المحبه والصبا ماهي رواجع
وأن جلستي فالمكان الي ورى حشّات مثفل=ثم بكيتي من هديلٍ ناح به ورقٍ سواجع
يوم ذعذع رايح الغربي من أحزانه محمل=ثم صرختي صرخة الي زايده فيه المواجع
ثم ذكرتي حب ناصر يوم قال أنه بيأفل=ثم يصير كتاب حبه للحزن مثل المراجع
ياحزينه كل ورده فالزمن لابد تذبل=لكن الي مثل ناصر ما عرف طعم التراجع
قمت أدوّر في كتب سقراط وأفلاطون وأسئل=يمكن القى في علوم الفلسفه لي حل ناجع
عن هوىٍ لا من ذكرت الغد بعيون متأمل=قام من زايد بلاه يزيد بي لو كنت هاجع
لين صرت آهاب نومي وأقضي اليل متململ=والله إني أزفر الزفره ليا طرّوا المضاجع
والله إني ما كتبت الشعر أغني أو ابي منه التواصل=ولا كتبته بالجناس ولا قصدت اكون ساجع
مير همٍ في فوادي والله أنه ما تجمل=كل ما قلنا يطيب تزيد أحزانه وياجع
بس من قبل المفارق بأسئلك من قبل لأرحل=ليه أنا لامن رحت فمبدأي مانيب راجع؟

نشرت بتاريخ 22-04-2006


 


Powered by Dawaween V 1.03
تصميم - برمجة

تصميم : الرّاسم لخدمات التصميم برمجة : أبعاد الإنترنت للتطوير