الواجهة الرئيسية I منتديات خزامى نجد I  إتصل بنا
 
 
دواوين الشعراء
القصيدة
قصيدة ..//الفاخريه//.. وورده حمرا.. للشاعر ناصر مطلق البقمي
 

تابع جديدي سجل زواري إهداء القصيدة رشح قصيدتي فهرس ديواني



الـورده الحمـرا تقّـدم هـديـه=وانا قطفت الورد عشان ابا اهديك
ورده وابا اهديها إلـى مزهريـه=وشلون مدري بس يمكن تجي هيك
اللون الاحمـر والـورود النديـه=أصدق من التعبير بلسان مغليـك
ياأصدق من الدمعه بعين البريـه=وأكذب من الأحلام واليل غاشيـك
وياألين من أغصان الرياض البهيه=وأقسى من الطعنه بحرب المماليك
ويا أكثر مزاييـن النسـا جاذبيـه=من يوم ما شفتك وانا منجذب فيك
طبع الحضاره في سلـوم ابدويـه=والعقل بالرجحان والزين كاسيـك
صاحت حروف الشعر والشاعريه=وجتك القوافي تنكتب منك وإليـك
بحري زبد والموج يلطـم خويـه=أمواج شعري تصطفق عند طاريك
والله لـو أقـدر اجيـب ابجديـه=لأكتب قصيده تفتخر فـي معاليـك
والا قصيـدي لا طريتـي عليـه=تركع لي القيفـان شبيـك لبيـك
ودي بشعرٍ ما بعـد جِيـب زيـه=من جن من سكره اهم شي ياتيك
سكره هوى ماهيب عيب ورديـه=يأتيك متبختر على شان يرضيـك
لاهل كنـه مـن ثعـل موسميـه=لكن غيثه غير لا جـاء بأياديـك
تصيـر زغّاتـه نجـوم الثـريـه=والشمس تستوطن كذا بين عينيك
ويهب نسنـاس الهبـوب العذيـه=وأشم انا ريحتْـك وأقـوم أحييـك
وأكتب على قو س القزح يا بنيـه=اربع حروف ورمز ماهوب خافيك
واقول كافـي مـا تسويـن فيـه=واجيك وخْطايه تسابـق خطاويـك
ومن قبل عـذرك لاتقوليـن ليـه=ادري بعذرك حكم مبعـد أراضيـك
الحـب بحـر وعاصفاتـه عتّيـه=وانا امنياتي بس أوصل شواطيـك
أهديت لك من قلب ناصـر هديـه=ان ما رضاك الورد لعل يرضيـك
قصيـدةٍ سمّيتـهـا الفاخـريـه=تفخـر اذا قالـو قرتهـا أشافيـك

نشرت بتاريخ 26-04-2006


 


Powered by Dawaween V 1.03
تصميم - برمجة

تصميم : الرّاسم لخدمات التصميم برمجة : أبعاد الإنترنت للتطوير