الواجهة الرئيسية I منتديات خزامى نجد I  إتصل بنا
 
 
دواوين الشعراء
القصيدة
قصيدة العــنــــــيــــــــدة للشاعر سعد بن مسهوج
 

تابع جديدي سجل زواري إهداء القصيدة رشح قصيدتي فهرس ديواني

 
 





هذا وقتك يا قصيدي كـان تاليهـا قصيـد=والله ما ارضى عليها لو تحاربنـي بـلاد

يد تقدح من شرار ويد تضرب مـن حديـد=والايادي لو تمادت والله لحصدها حصـاد

بحرق قلوب العواذل من جد ومـن جديـد=بدخل الساحة وانا ادري اني بتركها رمـاد

والبليد ابن البليد وش يقـول ووش يزيـد=يبقى في عيني حقير واحقر بعيـن العبـــاد

هذا وقتك يا قصيدي كـان تلقاهـا وحيـد=سل سيفك للمعاني حرك حـروف الجمـاد

اصلب اعداء المحبة من كبير ومـن وليـد=ون خذت روحك قصيدة موت وابياتك شداد

والله انك ما خضعت ولا خضعت الا شهيد=فدوة اللي لا انتخـت كلنـا نفـزع وكـاد

بالعيون وبالقلوب .. دم يسـري بالوريـد=بالحشى والله انتشى وارتكـز ثـم زاد زاد

نار تامر في غلاها تطلب القلـب المزيـد=ون عطا قلبي يتيه والمتاهـه لـي رشـاد

هذا وقتك والقوافي وين ما ترمـي تصيـد=مثل حر(ن)لو طلبته.. فز لعيـون الهـداد

انطلق مثـل الريـاح وانهيـارات الجليـد=بأنكساره عنفـوان ..وكبريائـه اضطهـاد

نوّخ اللي ما تنوّخ ..كل مـا كانـت تحيـد=ما يبي غيـر العنيـدة ..وللعنيـدة العنـاد

هذا وقتك يا عضيدي كان باقيلـي عضيـد=فز كلك لا نخيتك ..تكفى واحصدهم حصاد

كان ترجع للجزالة.. انت عدة مـن عديـد=وانا لك شاعر زماني حتى لوهي بالعنـاد




/
/

//



سعد مسهوج العلاطي

نشرت بتاريخ 30-10-2005  

 

 


Powered by Dawaween V 1.03
تصميم - برمجة

تصميم : الرّاسم لخدمات التصميم برمجة : أبعاد الإنترنت للتطوير