الواجهة الرئيسية I منتديات خزامى نجد I  إتصل بنا
 
 
دواوين الشعراء
القصيدة
قصيدة ..فلسفة شاعرك.. للشاعر ناصر مطلق البقمي
 

تابع جديدي سجل زواري إهداء القصيدة رشح قصيدتي فهرس ديواني



غناجة الشعر يا ألهام طوفاني=طوفان شعري على شانك زبد بحره
حبك مع الدم يجري وسط شرياني=ياأحلى كتابات ناصر يا شذى زهره
يانور دنياي ياضحكي مع احزاني=يافلسفة شاعرك في فلسفة شعره
ياوردةٍ ما سقاها أي بستاني=مسقيك ناصر من دموع الوفاء عبره
من يوم شفتك تحرك كل وجداني=صاب المشاعر من احساس الهوى طفره
أحساسي الحب مدري وين وداني=لكن سرح بي على جال الأمل فكره
إني بحبك واصير فعالمٍ ثاني=وأحس من لذتي فالحب بالسكره
,احس بأحلى شعور الحب يغشاني=واتخيلك وأتنهد وازفر الزفره
وترسم خيالك من الاشواق قيفاني=فكتاب عمري هواك بينكتب سطره
ترسمْك ريشة خيال بكل الألواني=خيال شاعر فدا أحساسك بعمره
حبك سطى بي ولج بثابت اركاني=زلزلني الحب كله من سبب نظره
شفتك وقلت انتهى همي واشجاني=وأحسست بإن الأمل في ناظري بكره
ان غبت والله ما أعشق أي انساني=وان جيت كالثلج يطفي لاظي الجمره

نشرت بتاريخ 08-05-2006


 


Powered by Dawaween V 1.03
تصميم - برمجة

تصميم : الرّاسم لخدمات التصميم برمجة : أبعاد الإنترنت للتطوير