الواجهة الرئيسية I منتديات خزامى نجد I  إتصل بنا
 
 
دواوين الشعراء
القصيدة
قصيدة فراعنة المدينه للشاعر راشد الذويب
 

تابع جديدي سجل زواري إهداء القصيدة رشح قصيدتي فهرس ديواني



..


..


عابره ياضيقتي والليل عابر=لو ظلامه يوحش النفس الحزينه
قلتها وانا على الشدّات صابر=في زمانٍ يجرح الرجل ويهينه
مالي إلا اجحد إهمومي وأكابر=دام حظي خاربه بيني وبينه
والصحيح إني مع وقتي مثابر=لو حلق عينه وعقّد حاجبينه
ابعد الخطوه وانا والله خابر=إن مدا ممشاي في راحة يدينه
والسجينه مالها غير العنابر=لجل ماتفرح فراعنة المدينه
دونها صدرٍ مثل سور المقابر=يدفن الضيقه ورا الحدب الحصينه
بعد فات اول زماني وراح غابر=وش يحسّفني على باقي سنينه
وبعد شفت الطيب من فوق المنابر=ينفجر صدره وتبكي الوضع عينه
إن شكت الأوراق من جور المحابر=عذري إن الوقت ذا ذل وغبينه
والعزيز اللي لرب الكون سابر=كان ضاعت دنيته ماضاع دينه
مؤمنٍ باللي كشف سر المخابر=لو تزيّفها فراعنة المدينه

..


..

نشرت بتاريخ 23-07-2006


 


Powered by Dawaween V 1.03
تصميم - برمجة

تصميم : الرّاسم لخدمات التصميم برمجة : أبعاد الإنترنت للتطوير