الواجهة الرئيسية I منتديات خزامى نجد I  إتصل بنا
 
 
دواوين الشعراء
القصيدة
قصيدة إنــتــفــاض و حــصــيــلــه للشاعر محمد بن حزام
 

تابع جديدي سجل زواري إهداء القصيدة رشح قصيدتي فهرس ديواني


.





طيّب واعرف إني كسبت الجماله = طيّب ولا لي غير متني أشيله
إن زارني همّي فلا لي بداله = وان جيت له طرقي حسبني خليله
الظيم في صدري كوتني ادلاله = والجور في جسمي دروبه طويله
سجّيت والسجّه عطتني رساله = في محتواها فكرتين ٍ جميله
قالت حثاله تنتخي بالحثاله = وانت الكريم وما تعرف الهزيله
هذي مقاله تختلف عن مقاله = وهذا هبيل ٍ ترتكي له هبيله
والمحبط اللي ما يداري عقاله = من حوسته كل ٍ ينادي حليله
يا سجّتي كل ٍ تعزوى بخاله = وانا تمثنيت القصيد وجزيله
هذا قصيدي يفتخر بي كماله = ماله بدالي بس أنا لي بديله
درّسته أفعال الشيم والشكاله = ومن منهج العقّال دايم أكيله
يجفل عن علوم الردا والفساله = واسهابته فيها انتفاض وحصيله
لبّا وجودك يا قصيد ٍ غداله = في ساحة الشعّار وقفه صميله
واليوم يوم القاف هذا مجاله = حيّاك يا قاف ٍ تطاير فتيله
أدري معك حزت الجنوب وشماله = يومك معي حزت الضياء ومقيله
لا هان عزّك والوطا ما تناله = نولاتك العليا وراس الطويله
من راس ولد حزام راع الصماله = تقدح وتشعل بالعلوم المهيله
ماني جفول ٍ يرتكي للهباله = وماني من اللي يطرحون الثميله
إما أنول اللي تعذّر مناله = ولاّ أخلّي كل رغبه قتيله
من دم جوفي آتقهوى بياله = وافتل من اعروقي بقايا جديله
واعلم اللي يعشقون السهاله = إني شبيه البحتريّ ورعيله


نشرت بتاريخ 26-10-2005  


 


Powered by Dawaween V 1.03
تصميم - برمجة

تصميم : الرّاسم لخدمات التصميم برمجة : أبعاد الإنترنت للتطوير