الواجهة الرئيسية I منتديات خزامى نجد I  إتصل بنا
 
 
دواوين الشعراء
القصيدة
قصيدة ..لاتجاملني وانا ماني مجامل.. للشاعر ناصر مطلق البقمي
 

تابع جديدي سجل زواري إهداء القصيدة رشح قصيدتي فهرس ديواني







الصراحه كـان ودك بالصراحـه=لا تجاملني وانا مانـي مجامـل
جيت لك يوم ان قربك فيه راحـه=جيت انا للشعر والاحساس حامل
اقطف الاشعار والاحساس واحـه=واستثار الشوق قلبٍ كان خامـل
يوم قلبي أطلق لشوقـه سراحـه=راح لك كله وهـو للـود آآمـل
كان قلبي قبل اعرفك في جراحـه=ما تحرك لين صار القلـب نامـل
والقصيد يقرب فعمـر المساحـه=والقوافي خمر والاحساس ثامـل
والظلام الـي يلحفنـي وشاحـه=لا خنقني صرت اعبـر بالانامـل
والمعاني قايده سفـن الملاحـه=عابره فالموج لو الموج عامـل
عاملٍ نفسـه قـويٍ بإجتياحـه=ما يوقفني وانـا مانـي مزامـل
والغدير الي نبـي نـورد قراحـه=ساقني له خافقٍ بالـود صامـل
خافقٍ كدر على جفنـي مراحـه=لين صرت أعدّ وقت الليل كامـل
والنهايه كـان ودك بالصراحـه=مجمل الاحساس جاك بشكل شامل



نشرت بتاريخ 19-09-2006


 


Powered by Dawaween V 1.03
تصميم - برمجة

تصميم : الرّاسم لخدمات التصميم برمجة : أبعاد الإنترنت للتطوير