الواجهة الرئيسية I منتديات خزامى نجد I  إتصل بنا
 
 
دواوين الشعراء
القصيدة
قصيدة مشاعر للشاعر محيا العوني
 

تابع جديدي سجل زواري إهداء القصيدة رشح قصيدتي فهرس ديواني

 
 





هاك الحروف ابداع وسمان وجزال=مثل الدرر منضوم في جيـد عنقـا
اصفا من الياقوت واحلا مـن زلال=واصدق من العبره بلحظـات فرقـا
من خافقٍ تّواق لك فيـه منـزال=يملا لك أدلالـه مـن البـن حرقـا
اقلط ولـك بالقلـب دلـه وفنجـال=واقدع غلا من ضم عرقـك لعرقـا
مرباعك بصدري بختـري ومقيـال=فيها الخزامى والحرفـرف ولِرقـا
وفيها رياض وطلح مع سدر وظلال=ومخايل اشواقي من الحب زرقا
اهلن هلابـك عـد ماهـل همـال=واهلن هلابـك كـل مـالاح برقـا
سيد الغواني والشِعِّر فيـك يختـال=جتك الحروف مذهّبَ وفيـك شرقـا
ماوالله اسلا عنك في كل الاحـوال=اللـن صـار الدمـع للعيـن يرقـا
أتعبتنـي بغيابـك وكثـر الاهمـال=وانته لـك الله فـي غيابـك مشقـا
أبكيـك لامنـي وفقتك بالاطـلال=وياكثر ماونيت مع نـوح ورقـا
لاماك غاية منوتي ياهـوى البـال=كل المشاعر يـم حروتـك شفقـا
عن غيرك الخفّاق قِفّـل بالاقفـال=لامابعـد حبيـت غيـرك وببقـى
لدّ ابوصالك يابعد كل الازوال=غيري ابـد مـاراح بالكـون تلقـى
وهاك الحروف ابداع وسمان وجزال=مثل الدرر منضوم في جيـد عنقـا
اصفا من الياقوت واحلا مـن زلال=واصدق من العبره بلحظـات فرقـا




نشرت بتاريخ 02-02-2007  

 

 


Powered by Dawaween V 1.03
تصميم - برمجة

تصميم : الرّاسم لخدمات التصميم برمجة : أبعاد الإنترنت للتطوير