الواجهة الرئيسية I منتديات خزامى نجد I  إتصل بنا
 
 
دواوين الشعراء
القصيدة
قصيدة عثرة الخيل للشاعر محيا العوني
 

تابع جديدي سجل زواري إهداء القصيدة رشح قصيدتي فهرس ديواني

 
 

عسى ظروفك ماتحدك على الشين=مثلي وحدتني ظروفي علاها

الوقت جاير لو صفا يوم يومين=لابد من عجٍّ يعكّر صفاها

يقطعك ياوقتٍ على برديين=وفيها هل الطولات ذاقو لضاها

ويقطع رجالٍ للمعاريف ناسين=اللي بحزات الشدايد نساها

وانا الذي ذقت الجفا من قريبين=وسود الليالي ماتشح إبغثاها

والفزعه اللي ماتجي غير بامرين=دهن السيور أو حب صيت وجاها

أضرب عليها وانسها اسنين ودنين=ماني بمعكازة حقيرٍ بغاها

يامقشر الطيحه بوسط المعادين=اللي تحسب طيحتي هي دواها

للخيل عثره وينتهض دوم في حين=والطيبه تلحق وتدرك مناهاا

ياهيه انا بن عون كسابت الزين=الابه اللي عاليٍ مستواهاا

إمطير ربعي ملحقين المخلين=إمطير يعرف سطوها من لقااهاا

مثل الجبال الشاهقه فالميادين=ومثل النجوم العاليه في سماها

لامادرينا عن هروج النساوين=ولامايهز الحيد نفحة هواهاا

بيض الفعول اللي تشيب الرضيعين=وهل الفعول الطيبه في رحاها

اصبر على الصلفات ماقول من وين=واخذ دروس من الزمان وبلاها


فرقين بين أثنين فرقين فرقين=شخصٍ حداه الوقت ونفسه وطاهاا

فرقين بين أثنين فرقين فرقين=شخصٍ حداه الوقت ونفسه حماها


نشرت بتاريخ 04-02-2007  

 

 


Powered by Dawaween V 1.03
تصميم - برمجة

تصميم : الرّاسم لخدمات التصميم برمجة : أبعاد الإنترنت للتطوير