الواجهة الرئيسية I منتديات خزامى نجد I  إتصل بنا
 
 
دواوين الشعراء
القصيدة
قصيدة يابنت للشاعر محيا العوني
 

تابع جديدي سجل زواري إهداء القصيدة رشح قصيدتي فهرس ديواني

 
 

يابنت انا قلت لك مليون مرّه=ماني من اللي يلحقون المقفين

نفسي عريبه ودايم الدوم حرّه=ولاهمني حب الثنين المجانين

لاجا المصامل فالحشا مستقرّه=ودامك عنيده بالجفا مستمرين

الضعف مافاد الهواوي بذرّه=تحدّربه شعيبٍ على يسار ويمين

اذكر ولد شداد لله درّه=يوم السيوف مشرعه بالمياادين

يذكر هوى باله بكره وفرّه=ولا صدته عن همته يالضعيفين

ابا تسلا عن هوى الغيد مرّه=يم الفياض اللي به الروح ياحسين

واسرح بذودي في صحاصيح برّه=واسند واحدر في هضاب ورياعين

واضحك مع النسناس ضحكة مسرّه=واشب ضوي واكرم اللي محيلين

واهد شيهانه على حين غرّه=جلب الحباري فعلها يالشواهين

واقص جرات الجوازي بجرّه=واطرد شبيهة عشقتي شيخة الزين

واهيم لامنه بلاني بشرّه=واذكر خطاها يوم قفّت عن العين

مابالهوى ياحسين غير المضرّه=وش حيلة الرجّال لاحده البين

وان قال عني لابتي ذاق حرّه=قلت اذكروني ياهلي ثالث اثنين

نشرت بتاريخ 04-02-2007  

 

 


Powered by Dawaween V 1.03
تصميم - برمجة

تصميم : الرّاسم لخدمات التصميم برمجة : أبعاد الإنترنت للتطوير