الواجهة الرئيسية I منتديات خزامى نجد I  إتصل بنا
 
 
دواوين الشعراء
القصيدة
قصيدة عكس اتجاه الجاذبيه للشاعر راشد الذويب
 

تابع جديدي سجل زواري إهداء القصيدة رشح قصيدتي فهرس ديواني



ياهجوسي ارتفع لعيونها فوق السحايب=وانثر ابيات الغلا والعز في وصف بدويه

طرفها الفتان يهزم له جيوش من الكتايب=كم وكم شيخٍ غدا لعيونها النجلا ضحيـه

اجتمع فيها الحلا والدل مع سود الذوايب =والجبين الي طغى نوره على الشمس القويه

كحلها من ربها ماشابته بعض الشوايب=فوق سيف ابن الهلالي لامتطى بنت العبيه

مالقيت وصوفها بين البعايد والقرايب=وحدها حازت على تاج الوصوف اليوسفيه

لااله الا الله المعبود مدّاد الوهايب=اذكره لاشفتهـــا عند الضحى والا العشيه

درةٍ موج البحر من دونها يهدي المصايب=ومن كسبها مايفكر في الكثير ولا الشويه

ومن سبح في بحرها في ذمتي ماهوب تايب=يجذبـــه تيارهـا عكس اتجاه الجاذبيــــه

كم هبيل قد طلبها وصلها ثم عاد خايب=الثمينــه مــايحصلهــــا ابونفــسٍ رديـــه

بنت رجالٍ كسب قولت نعم وقت النوايب=واخت رجالٍ نهار الهوش ماينسى خويــه

السعاده ياعساها فالها والحظ صايـب=ومن يكدرها عسى روحه توافيها المنيـــه

واهني الي بيصبح عندها اغلا الحبايب=واهنيـــه في حياته واهـــنيـــه واهنـــيــه


نشرت بتاريخ 31-10-2005  


 


Powered by Dawaween V 1.03
تصميم - برمجة

تصميم : الرّاسم لخدمات التصميم برمجة : أبعاد الإنترنت للتطوير