الواجهة الرئيسية I منتديات خزامى نجد I  إتصل بنا
 
 
دواوين الشعراء
القصيدة
قصيدة !!...... دنيــــاي للشاعر راشد الذويب
 

تابع جديدي سجل زواري إهداء القصيدة رشح قصيدتي فهرس ديواني




00
يارحمة الله انزلي تكفين واكفيني العذاب=ماعاد باقي وسط عيني مايهله موقها
عقدين من عمري قضت بين الخطيّه والصواب=لا الحقت نفسي ماتبي ولا قدرت اعوقها
امشي كذا على عماها لا دليل ولا زهاب=دنياي تمشي بي كذا وانا على طاروقها
دنياي يا فالح رمتني بين ضرس وبين ناب=حتى لمحت الموت بين انيابها وشدوقها
ولا وعيت الا وانا مابين باب والف باب=البحر الازرق من تحتها والسما من فوقها
والوقت مقفي والأماني شفتها شوف السراب=واحفيت رجلي في طلبها والعزوم اسوقها
اجاهد ظروف الزمن واطى على روس الحراب=واعشّم النفس الشقيّه لا تموت عروقها
وإن لدت عيوني ورا سور المدينه للجواب=شفت الفقارى تحت حكم الأغنياء في سوقها
وانا فقير وحالتي لله ومبدأ لإنسحاب= ارفض مجالاته ولا ني بداخل ٍ في طوقها
والنفس قافيها القبر والشمس قافيها الغياب= والناس قفت بالغنايم واغلقت صندوقها
رجواي بالله والثواب ابسأل الله الثواب= والا البشر مثل البشر بوصالها وعقوقها
وإن كان ربي مارحمني بالثقيل من السحاب=مات الرجى فالشجره الي يابسات عذوقها
اخذ كلامي ياخويي واعرف ان الظن خاب=في عالمٍ سم العقارب خالط ٍ معلوقها
ولا ذخرت من السنين الا رفيعين الجناب = الي فعايلهم تطابقها على منطوقها
يا درع جنبي لا غدت الأكفان تلبس كالثياب=والروس شاشت واليدين إتحول دون إحلوقها
يا سيفي الي تخضع لحده شواهيق الهضاب=يا تاج راس المرجله وارجالها وحقوقها
خوتك خوّه والليالي وجهها ريشة إغراب=وصفحتك نور ٍ مثل نور الشمس وقت شروقها
والصاحب الي خوته رحلة ذهاب إبلا إياب= عسى الليالي تصد به وانا ابشكر ذوقها
العلم فـ يدك والهدف مرسوم في عرض الكتاب=وانا في وجه الله من الي كشّرت بشدوقها
00

نشرت بتاريخ 18-03-2007


 


Powered by Dawaween V 1.03
تصميم - برمجة

تصميم : الرّاسم لخدمات التصميم برمجة : أبعاد الإنترنت للتطوير