الواجهة الرئيسية I منتديات خزامى نجد I  إتصل بنا
 
 
دواوين الشعراء
القصيدة
قصيدة غربة الروح للشاعر مسعد بن مدلج
 

تابع جديدي سجل زواري إهداء القصيدة رشح قصيدتي فهرس ديواني







لليـل والغربـه وللصمـت والبـوح = ضاعت خطاوي رحتلي مـن عنايـا
عجزت اميز وجهتي وين ابا اروح = واربع جهاتي ضايعه يارجايـا
لي صرخة ٍ هزت لها جبال وصروح = كلن سمعها غصـب صرخـة ندايـا
وشلون والله لا اعتلا صوت مبحـوح = صوت ٍ يزلـزل ارض كلـه شكايـا
اجهل طريقي واعرف الدرب بوضوح = جاهل غشيـم ٍ عالـم ٍ لـي وصايـا
اطرد ورا الاشعار نـازح ومنـزوح = في كل ديـره لـي قصيـد وهدايـا
دام البقايـا جنـون ياغربـة الـروح = صـار الجنـون اليـوم كلـه بقايـا
يجمع ثراهم صمت والصمت مجروح = وشتت ثراهم خـوف ذيـك الحنايـا
كل ٍ يبي الثاني بـه السـر مفظـوح = كل ٍ يشـوف عيـون خلـه مرايـا
كل ٍ لزم صمته يبـي كتـاب مفتـوح = لكـن كتـاب العاطفـه لـه مـزايـا
دام السؤال اللـي معلـق ومطـروح = يطـرد اجاباتـه بـذيـك الـزوايـا
يبقى مـع الايـام وحروفـه تفـوح = يبقـى ويشغلهـا عـقـول البـرايـا

نشرت بتاريخ 09-06-2007


 


Powered by Dawaween V 1.03
تصميم - برمجة

تصميم : الرّاسم لخدمات التصميم برمجة : أبعاد الإنترنت للتطوير