الواجهة الرئيسية I منتديات خزامى نجد I  إتصل بنا
 
 
دواوين الشعراء
القصيدة
قصيدة البارحه للشاعر مسعد بن مدلج
 

تابع جديدي سجل زواري إهداء القصيدة رشح قصيدتي فهرس ديواني






البارحه ضميتها فوق صدري = وحسيت ضمتها غدت ضمة عتاب
قامت تعاتبني على قل عذري = وتقول : زدت البعد بغياب وغياب
غايب وانا صدري ترا مل صبري = وانا اتحرا جيتك بين الاقراب
العمر اقفى والبلا راح عمري = وانا انتظاري صار من فوق مرقاب
والضحكه اللي فارقت ارض ثغري = ثغر ٍ ملاه الحزن واضح للاجناب
حتى ثيابي فاقده ريح عطري = وكفوفي اللي ناسيه مزج الاخضاب
وخيم عليها الصمت والصمت قبري = واشوف دمع العين بالحيل منساب
جلست اتمتم في كلامي واهذري = واحس عذري غاب من حزنها غاب
حاولت اهدي الوضع والوضع مزري = ابغى رضاها والرضا دونه ابواب
ثم التفت وقلت: يابنت مدري = لكن تراني عقبكم صرت منصاب
ياحلمي اللي صار هو نور فجري = ابيك تعرف خاطري منك ما طاب
القرب ودي فيه والبعد قهري = لكن ضروف الوقت وقفت بالاسباب
يامزنة ٍ تبغى مداهيل قصري = الصبر ثم الصبر ياسيد الاحباب
القصر يبنى لك من ايام صغري = ولجله تراني صرت من ضمن الاغراب
هذي ثمان سنين يابنت عبري = اطوي دروب ٍ كلها جبال واهضاب

نشرت بتاريخ 09-06-2007


 


Powered by Dawaween V 1.03
تصميم - برمجة

تصميم : الرّاسم لخدمات التصميم برمجة : أبعاد الإنترنت للتطوير