الواجهة الرئيسية I منتديات خزامى نجد I  إتصل بنا
 
 
دواوين الشعراء
القصيدة
قصيدة الحروف الابجدية للشاعر مسعد بن مدلج
 

تابع جديدي سجل زواري إهداء القصيدة رشح قصيدتي فهرس ديواني






يالهنوف اللي خذتني في زمان العنجهيه = وأسرقت عمري غصيبه وفي هواها القلب ذايب
اقبلي يمي تعالي في طرف نجد العذيه = وامطريني عشق قلبك دام هو مثل السحايب
مرحبا واهلين يابنت الاكارم يابدويه = اقلطي وسط الخفوق اللي مسوي بي عجايب
واشربي من قهوة دلال الحروف الابجديه = واقدعي من تمر شعري يوم صرتي من القرايب
يالهنوف اللي توردني على حوض المنيه = منزلك فوق الثريا فوق ياشقر الذوايب
دامك اغلا الناس عندي وانتي اغلا نرجسيه =جعل مسعد فدوة ٍ لك لا غديتي في نشايب
حبك اللي في خفوقي كثر زخات ابرديه = لا بعد اكثر واكثر زود يا اغلا الحبايب
من عرفتك وانتي اغلا من سكن وسط البريه = ماخذه مني خفوقي طيب والا بالغصايب
ان سألتي عن دليلي ناظري عيون ٍ شقيه = وناظري قلب ٍ يحبك كلها عروقه عطايب
وان بغيتي تجرحيني اجرحي واقسي عليه = مرحبا بالجرح منّك لو غدى صدري خرايب
وان بغيتي العمر جاك العمر يالترفه هديه = افعلي بي ما بدالك سوّي ِ انواع المصايب
والله انه ما ذبحني غير ذيك الناعسيه = ذابحتني بالهدب والرمش من ضمن السبايب
والنحر يحرسه ربي فيه سحر وجاذبيه = يوم اناظره ابعيوني قلت :هذى من الغرايب
يوم شفتك زاد حبك حب واعلا مقدريه = وامتلكتي حب قلب ٍ اعتقد ماهو بتايب
ليتك اتمدين يد ٍ ناعمه يالاجوديه = تتجه لـيد مسعد بالمصافح في لهايب
لي شهر يابنت ودي اقترب منّك شويه = كنت خايف جور صدك يبتليني بالكرايب
يوم جيتي وسط داري ثم زان الوصل ليه = قلت:هذي فرصتي ياتصيب والا اكون خايب
يمكن اننك تقبلين بخافق ٍ له نار حيه = تشتعل بالجوف تحرق والضلوع الها حطايب
وان رفضتي الحب مالي غير اصفق في ايديه = منجبر اعيش عمري في ونين وفي نحايب
وان قبلتي سعد حظي يوم حبتني ابدويه = دامك انتي في عيوني ثامنة سبع العجايب

نشرت بتاريخ 09-06-2007


 


Powered by Dawaween V 1.03
تصميم - برمجة

تصميم : الرّاسم لخدمات التصميم برمجة : أبعاد الإنترنت للتطوير