الواجهة الرئيسية I منتديات خزامى نجد I  إتصل بنا
 
 
دواوين الشعراء
القصيدة
قصيدة عذر الغياب للشاعر محمد بن حسان
 

تابع جديدي سجل زواري إهداء القصيدة رشح قصيدتي فهرس ديواني



عذر الغياب و جيّـتك و إشتياقي=كنها ثلاث ورود في مزهريّه
في جامعة حبّك و كرت إلتحاقي=نجحت بالممتاز و الأولويّه
كسبت كلّك ما بقى فيك باقي=لنّي مميز صرتي اليوم ليّه
في نشوتي في ثورتي وإنطلاقي=خذيت من برق الغمام أسبقيّه
أدري تشوفين العنا في فراقي=إبن الملوّح .. وانتي العامريّه
وأكبر دليل اللي حصل بالتلاقي=عندك كلام وضاعت الأبجديّه
قولي لهم واللي خلق عظم ساقي=إنّي أحبّه واعترف وش عليّه
إحساس شاعر يكتب الحرف راقي=جملة مشاعر خطّها في يديّه
وانا بأقول المختصر في سياقي=إن القصيده ما بها نرجسيّه
لا بان في حدّ الغرور إختراقي=معذور لنـّـك غايتي الأوليّه
فيك الجمال اللي تعدى النطاقي=قومي تباهي كل روحه و جيّه
ما دام حبّك مثل عذب السواقي=بأشرب وأدنّ القاف والسامريّه
عذر الغياب و جيّـتك و إشتياقي=كنها ثلاث ورود في مزهريّه

نشرت بتاريخ 08-09-2007  


 


Powered by Dawaween V 1.03
تصميم - برمجة

تصميم : الرّاسم لخدمات التصميم برمجة : أبعاد الإنترنت للتطوير