الواجهة الرئيسية I منتديات خزامى نجد I  إتصل بنا
 
 
دواوين الشعراء
القصيدة
قصيدة في كفـّها ورده و شال للشاعر محمد بن حسان
 

تابع جديدي سجل زواري إهداء القصيدة رشح قصيدتي فهرس ديواني



يا عمر والسالفة ما عاد لـي فيهـا مجـال=تدري إلا ما بقى غير الهـوا يومـي بهـا
ألتجي للـي خلقنـي ربنـا رب الجـلال=وآتحرى لا متـى فـي صدقهـا تكذيبهـا
لكن إن السالفة زادت علـى حـد الهبـال=والزمـن عيّـا يساعدنـي علـى تجنيبهـا
ويل حال اللي بنى حلمه على ما لا يطـال=إيتلفّت ... ما درى كيف الزمـان يجيبهـا
أكتب حروفي وآقول إن القصايد راس مال=وآتغنى بالقصيد و بالجزيـل أرهـي بهـا
من سبايب طفلة ٍ في كفّهـا ورده و شـال=هيمنت بين الضلوع .. و بعثـرت ترتيبهـا
جادل ٍ في وصفها تجمع تواصيف الجمـال=وصفها كله تناقـض .. يختلـف تركيبهـا
عيبها نقص الحروف اللـي يخالطهـا دلال=ويش أسوي دامهـا متميـزه فـي عيبهـا
علمتني كيف أخطط إسمها فـوق الرمـال=والجروح اللي بقلبـي ليتهـا تـدري بهـا
كم تمادت بالجفا وآقول يـا بنـت الحـلال=إتغلّى و إتغلّـى ... دامنـي فـي جيبهـا
آتذكر كلما قالـت علـى شانـي تعـااااال=يوم تغلي جيتي .. والشوق فـي ترحيبهـا
آتهرب بالغموض .. وكررت نفس السؤال=كيف اجاوب لا غدى في طبّهـا تعذيبهـا؟
لو غدت لي شرهة العاذل كما روس الجبال=والله إنّـي مأعتبرهـا لـو علـى تزليبهـا
يا عمر يا عزوتي ما عاد لي فيهـا مجـال=والزمـن عيّـا يساعدنـي علـى تجنيبهـا


نشرت بتاريخ 01-10-2007  


 


Powered by Dawaween V 1.03
تصميم - برمجة

تصميم : الرّاسم لخدمات التصميم برمجة : أبعاد الإنترنت للتطوير