الواجهة الرئيسية I منتديات خزامى نجد I  إتصل بنا
 
 
دواوين الشعراء
القصيدة
قصيدة لـــو الـــشـــعـــر للشاعر مسعد بن مدلج
 

تابع جديدي سجل زواري إهداء القصيدة رشح قصيدتي فهرس ديواني



لو الشعر يقدر يقفل باب في وسط الفؤاد = ما سهرت عيوني وزادت فالليال اجفالها
ولاشفت دمعي فوق خدي هل من كثر السهاد = ولا ضاقت النفس العزيزه والحزن ما طالها
ولا اصبح نهار الناس في عيني سواد ٍ في سواد = مع ظلمة ٍ فيها جميع الناس ضاع ازوالها
ولا استوطنت ذيك الجروح اللي تهافت بازدياد = في وسط صدري يوم صدري ساحة ٍ لعمالها
ولا استوحشت روحي ولاحسيت في ذاك البراد = يوم الدفا ابعد ولا لي حيلة ٍ احتالها
وانا وش اللي حدني للحب واشد الشداد = واسلك دروب ٍ كايده بهضابها وجبالها
غير الهنوف اللي تحدتني وجتني في عتاد = ما اشوفها الا بنت شيخ ٍ من يطول احبالها
حق ٍ لها تغتر ما دام الغرور الها يقاد = حيث انها بنت الرجال اللي معروف افعالها
فيها براءه مع شقاوة طفل ماليه العناد = فيها رزانه مع رجاحة عقل ورثة خالها
لا سولفت كل السوالف تطرب اسماع العباد = ما تنتقي الا ثمين الهرج يومه جالها
يعني بصراحه صوتها جذاب من غير اجتهاد = ارخي لها اذني وانا اسمع من جميل اقوالها

نشرت بتاريخ 15-10-2007


 


Powered by Dawaween V 1.03
تصميم - برمجة

تصميم : الرّاسم لخدمات التصميم برمجة : أبعاد الإنترنت للتطوير