الواجهة الرئيسية I منتديات خزامى نجد I  إتصل بنا
 
 
دواوين الشعراء
القصيدة
قصيدة حــيـلـة المحروم للشاعر مسعد بن مدلج
 

تابع جديدي سجل زواري إهداء القصيدة رشح قصيدتي فهرس ديواني



التمني سهل والتحقيق ياصعبه وصعبه = وحيلة المحروم يايمه ترا كثر الاماني
ماله الا انْ يتمنى شوف خل ٍ ما يكبه = ويكتب الاحلام ثم يعيش حلمه في معاني
وش يسوي؟ من بلاه البعد واصبح وسط غبه = وش يسوي؟ من تمنى شوف خله لو ثواني
يشتكي من قو همه من مطبه في مطبه = مبتعد عن وصل خلانه عقب ما كان داني
لا غزاه الليل يرجي رحمة ٍ من عند ربه = يمشي دروب ٍ طويله كايده والعمر فاني
كيف ينسى صاحب ٍ بالحب ضحى لجل حبه = وان نسى قامت تذكره القصايد والاغاني
كيف يطعم فرحة العيدين والاحزان سبه = سبة ٍ للضيق يوم الحزن ساكن بالمحاني
أه ياجور الليالي تجرح اللي ما تنبه = وآه يامقسى الزمان اللي على الفرقا حداني
آه يمه والحزن فيني بنى له الف قبه = آه يمه والفرح من عقب خلي ما احتواني
آه يمه والهوى بحر ٍ عميق ٍ من يطبه = ضاع في غبة مداه وطاح في قاعه يعاني
آه يمه والجروح اللي بحل فيها الاطبه = كل ما دويت جرح ٍ ابتحلت بجرح ثاني
أه يمه وجمر شوقي في خفوقي من يشبه = من يزيد الشوق فيني غير بعد اللي خذاني
يوم قفى والمراره كاسها بيّن مصبه = اجرعه من حر مابي والوداع اللي كواني
اتهيا للسنين القادمه والمستخبه = عل تحقيق الاماني يصير وافرح في ثواني

نشرت بتاريخ 15-10-2007


 


Powered by Dawaween V 1.03
تصميم - برمجة

تصميم : الرّاسم لخدمات التصميم برمجة : أبعاد الإنترنت للتطوير