الواجهة الرئيسية I منتديات خزامى نجد I  إتصل بنا
 
 
دواوين الشعراء
القصيدة
قصيدة يا استاااااااااااذ ؟ للشاعر سعد بن مسهوج
 

تابع جديدي سجل زواري إهداء القصيدة رشح قصيدتي فهرس ديواني

 
 

(( يا اسـتـــاااااذ !! ))




يا استــاذ انا طبـقــت سبعة سنوات= راح العـمــر حلــوه ومــرّه دراسه

من مدرسة لى مدرسة والمسافات =سوّت على عــز ّ الطموح انتكاسه

اخذت من وقتي على غير مشهات =يوم الحيا والمـوت صارو سواسه

نوبات اقول: اني على خيـر نوبات= ونوبات اشوف الهم زايـد حماسه

قررت اســـافـر والحـيـاة امتحانات= بحوش من دم الوحوش الشراسه

و يوم ٍ احسّـبـها تزيين الحسابات =وش عاد لا زدنا على الطين كاسه

ويوم ٍ لك الله نستهــل البـــدايـات =يطري على صحو الخفوق العماسه

يا ليتهــا .. جـبـر ودوال و نهايات = والا كـتــاب ٍ عن حـيــاة الفـراسه

والا علوم ٍ من علـوم الطــويلات = او انها .. كـبـّـر وعــنــاد ونـحاسه

المشكلة يا استــاذ ماهي علاقات = ولاهي على جرم الغـبــاء ومقاسه

المشكلة باللي تركــهــا مـحـطـات =وازهر مع اول يوم نزل غراسه

اللي لا قلت انساه هيهـات هيهـات=ولا جـيـت ابنسى ذكرتني اوناسه

يعني في بالي كل حزة ..وحزات=في بالي ايضا .. يستعيد انغماسه

يومه تركني بين اهات .. واهات= احــسّ به والقلب فــاقـد حــواسه

يا شـيـنـها بالذات لا قلت بالـذات =بيتن " لها " والبيت مفقود ساسه

يا استاذ ما جيتك وانا ابغى علامات =عندي سؤال ومتعب الوقت راسه

اما .. يجي ينهي معاي المعانات =والا بلاااااش من اللقى والدراسه





الشاعر - سعد مسهوج العلاطي


نشرت بتاريخ 14-12-2007  

 

 


Powered by Dawaween V 1.03
تصميم - برمجة

تصميم : الرّاسم لخدمات التصميم برمجة : أبعاد الإنترنت للتطوير