الواجهة الرئيسية I منتديات خزامى نجد I  إتصل بنا
 
 
دواوين الشعراء
القصيدة
قصيدة مصيبه من فقد(( أم)) للشاعر حسن الزهراني
 

تابع جديدي سجل زواري إهداء القصيدة رشح قصيدتي فهرس ديواني



بسم الله ابدى في قصيدي وبديـه=وعلى النبي المبعوث خير الصلاتي
ابدى بذكر الله وذكر النبـي فيـه=من بعدها ابدى ابقصيدي والآتـي
الموت حق وكل مخلـوق يلفيـه=سنه من الخـلاّق رب المماتـي
مايعرف المسكين ما يعرف البيه=مايعرف الشبـان حتـى البناتـي
ملك يجي مرسول إبأمـر باريـه=يقبض على روحً لفتهـا المناتـي
وانا فقدت ((ابوي)) والعين تبكيه=واصبحت ميت بس عايش حياتـي
ولوّي حزين الدمع بالعين أبخفيه=رجال بصبر والصبر من صفاتـي
لكن مصيبه من فقد(( أم)) ياهيه=توْهـا بنيـه كـل ليلـه تحاتـي
تبكي تصيح وتطلـب الله تدعيـه=وتقـول ياربـي تعجـل وفاتـي
من لامهـا بالحـزن الله يكافيـه=ويجيه ما جاها بلحظـة سكاتـي
بنتً حرمها الله ما كـان تبغيـه=صدرً حنون يضمها يـا شقاتـي
وانا علـي الله أبدعـي وناجيـه=وارفع كفوفي للسماء في صلاتي
لامن ركعت وفي سجودي اناديـه=يتقبـل الله رحمتـه بالممـاتـي
واخر قصيدي بسم ربـي ابنهيـه=وعلى النبي المبعوث خير الصلاتي

نشرت بتاريخ 04-03-2008  


 


Powered by Dawaween V 1.03
تصميم - برمجة

تصميم : الرّاسم لخدمات التصميم برمجة : أبعاد الإنترنت للتطوير