الواجهة الرئيسية I منتديات خزامى نجد I  إتصل بنا
 
 
دواوين الشعراء
القصيدة
قصيدة شبيـه الهلالـي للشاعر محيا العوني
 

تابع جديدي سجل زواري إهداء القصيدة رشح قصيدتي فهرس ديواني

 
 

جنّ الظلام ولا لقيت نديــــم = غير المشاعر والفؤاد سقيــــم
ويتلّني يمّ الهلالي قريحتي = طرق ٍ أصيل ٍ والقليل فهيــــم
كنّي أنا ضيفه وكنّه معزّبي = هذ بْحكم هذا ماهوب خصيــــم
أكتب على طرقــه و روّض تفلّتـه = ماني على بدع الجزيل غشيــــم
يفرح بــه المنصف وتغبن هل الحسد = اللي تعذرب والقصيد سليــــم
محبوبي الطرق الهلالي , واقدّره = تقديري الوافي لشيخ كريــــم
وآحن لـه حن الحياما على الروى = لاقالوا انك يالقديم نديــــم
لاضاق صدر آتغنّى بهالبحر = لنّه على كل البحور زعيــــم
وذكر شبيهه يوم قفت ركايبـه = كنّي بعد هاك الوصال يتيــــم
ماقولها كاذب وعدّاني الخطا = جنسه معا كل البنات عديــــم
شوفه ربيع العين لا صابه الوسم = اليا حصل غارت زهور خريــــم
حبّه ماهو صدفـه ولا هوب مكتسب = ولاني بحسبه لي خليل قديــــم
معروف عند الكل وهذي محبتــه = فطره ومكتوب بْهواه أهيــــم
أثر القلوب العاشقه مالها جدا = واثر المفارق للحبيب جحيــــم
هذا خفوقي من سبايبـه ملتهب = وآنا من حْساب العظام عظيــــم
عيني ليا هلّت فلا احد ٍ يلومها = دام الحزن وسط الضلوع مقيــــم
أقفا ولا قفّا عن البال عهدنا= أنـه فلا ينسى الحميم حميــــم
يلله تصبرني على جاير النيا = وحدك ياربي للعباد رحيــــم

نشرت بتاريخ 18-03-2008  

 

 


Powered by Dawaween V 1.03
تصميم - برمجة

تصميم : الرّاسم لخدمات التصميم برمجة : أبعاد الإنترنت للتطوير