الواجهة الرئيسية I منتديات خزامى نجد I  إتصل بنا
 
 
دواوين الشعراء
القصيدة
قصيدة ليلــه وفيها افترقنا للشاعر محيا العوني
 

تابع جديدي سجل زواري إهداء القصيدة رشح قصيدتي فهرس ديواني

 
 

أنا لامن هميت أعرف مصابي = ( أَهِيْمُ صبَابَةً ) من حر مابي
يرافقني معَ آهاتِ وحنيني = حميّـة هاجسٍ مايوم تابِ
إذا بـه طير مابين الاحبـه = فلاغيره أبد ينقل صوابي
إلى هاك الحبيب اللي هجرني = ولِه حولين عنّي يوم غابِ
عقب , جيت الديار اللي سكنها = وهي أطلال ينعقها الغرابِ
سألت السرح فيها عن مكانـه = وكل احلا الاماكن والمرابي
وكل الذكريات اللي قديمــه = ولكن لاكلام ولا جوابِ
ألا ياليلةً فيها افترقنا = هجدتي ناظري والشوف شابِ
قتلتيني وذريتي حُطَامي = معَ انسام الهبايب والترابِ
ولا لي قبل هذا غير ربي = وبعده من يوصّل لْـه خطابي
ألا ياطاير العشاق عجّل = ولا تهنى وفي يدّك كتابي
تعلّى بالسما وخذ الثلاثـه = دليل لْحالتي وافهق عتابي
وبيّن لْـه وش اللي صار بعده = من اهمومي وضيقي واغترابي
وقل لـه منزلك مهجور ممحل = بعد ماكان تزهاه الروابي
تولّتـه الخماسين العتيّـه = تلفّه لف لين امسى خرابِ
وبين لـه وقل لـه ماهنالي = عقب فرقاه زاد ولاشرابِ
وذكره الغلا ياكيف ينسى = غلاتي لـه وانا خضت الصعابي
وكيف اهل الحكي يوخذ حكاهم = عسى يفداه كل اللي حكابي
وخبره الوفا فيني وانا اللي = أبد ماخاب ظن اللي هقابي
عسى في عودتك ياطير بشرى = وتطوى بعدها صفحة عذابي

نشرت بتاريخ 18-03-2008  

 

 


Powered by Dawaween V 1.03
تصميم - برمجة

تصميم : الرّاسم لخدمات التصميم برمجة : أبعاد الإنترنت للتطوير