الواجهة الرئيسية I منتديات خزامى نجد I  إتصل بنا
 
 
دواوين الشعراء
القصيدة
قصيدة مــنــيــر للشاعر محيا العوني
 

تابع جديدي سجل زواري إهداء القصيدة رشح قصيدتي فهرس ديواني

 
 
نص رثائـي في أبن عمي / منير دابي المطيري
أرجو الدعاء لــه بالمغفرهـ








أشوف السما سودا ويرعبك شوفها = وقرص اللهـب حارق ولا ذاب صوفها
والارض أجدبت لاعشب فيها ولا زهر = وحزن البسيطه باينٍ ياحسوفها
لفاني خبر ثم قلت يارب هوّنــه = بعض هالمصايب تدمي مدّة كفوفها
ألا ياعظيم الوجد والهم بالصـدر = على قبض روحٍ فالشدايد نشوفها
عيوني على فقده من الدمع غارقـه = خطيرٍ عليها الحزن يذهب بشوفها
فقيده يابن عمٍ على العز ماكره = من الندّر اللي حــيــل يصعب وصوفها
سخي اليدين اللي حشا مابها ريــا = وثنتينها يمنى تثر مْعروفها
زبون الوازم ما تغضلم حواجبــه = ومزبن لمن يشكِ اليال وصدوفها
( مــنــيــر ) المواقف والملمات لا لفت = يومٍ الرجال تْخور حزة وقوفها
( مــنــيــر ) المراجل والمهمات والشيم = ليا كثرة الأنشاب فكك لفوفها
( مــنــيــر ) الحبابــه والمروات والوفــا = ليا شانــة النيات وكثرة صروفهـا
يالولا مخافة ربي الواحد الصمد = بهالنفس حاجـه لـو تحلّل ماعوفهــا
ذبحت الجزور اللي تطافح جنايبــه = على جالِ قبره .. مير نفسي وخوفهــا
عسى قبرٍ يضمــه غناوي من المطر = إلين يغدي روضــه تعانق صنوفها
واشوف الزهر والعشب يومي بها الهوى = واشوف الظبا فيها تحصّل علوفها
رحمك الرحيم اللي على عرشه أستوى = بعالِ الجنان اللي تـدلّا قطوفهـا

نشرت بتاريخ 18-03-2008  

 

 


Powered by Dawaween V 1.03
تصميم - برمجة

تصميم : الرّاسم لخدمات التصميم برمجة : أبعاد الإنترنت للتطوير