الواجهة الرئيسية I منتديات خزامى نجد I  إتصل بنا
 
 
دواوين الشعراء
القصيدة
قصيدة يــــــاحزينه !! للشاعرة دمـــــوع الورد
 

تابع جديدي سجل زواري إهداء القصيدة رشح قصيدتي فهرس ديواني







.
.
.

ياحزينه وش خذيتي .... غير كلمة ياحزينه=وش ربحتي وش جنيتي....غير نكران وجفا
ياحزينه لو وفيتي.... تنكرك عوجا سنينه=يهدم الاحلام بيده ....لاحيــــــاة لمن وفاا
ياحزينه لو صفيتي ....واهتديتي بالسكينه=ثار نوّه في عجاجه .... لعنبو ذاك الصفا
انتِ والدمع وعيونك ....وكل احلامك تدينه=هذا وقتك ياحزينه ....من عذابك مـ اكتفا
ابتديتي حلم واهم ....في طريقٍ تجهلينه=درب شائك بالمظالم ....والبدر نوره طفا
هو ظلمك الوقت ولاّ ....ابتديتي به ضغينه !!=هو حواك الحزن ولاّ....غاب فرحك واختفا
نام همّك في جفونك....بالدموع تهدهدينه=ومن يناظر في عيونك ....قال يادنيا كفـــا
من رسم لحن المآسي....وقال انتي تعزفينه؟؟=بين آهاتٍ وآهــه ....ذاب لحنك وانطفــــا
من عرف صادق ودادك....شال قلبه في يمينه=غلّفه روح المشاعر....حب واشواق ودفا
ومن عرف معنى حياائك ....انكسر شينه بعينه=مافتح للجرح بابه ....لو ظلامه به غفــا
استفيقي من ذهولك ....وانكري هم الغبينه=لا تباري هالخطاوي ....حرّ واشواك وحفا
واشعلي شمعة وفائك....نور يضوي هالمدينه=يلتجي به كل مظلم ....لو افل نجم الوفا


.
.
.
دموع الورد

نشرت بتاريخ 02-11-2005  


 


Powered by Dawaween V 1.03
تصميم - برمجة

تصميم : الرّاسم لخدمات التصميم برمجة : أبعاد الإنترنت للتطوير