الواجهة الرئيسية I منتديات خزامى نجد I  إتصل بنا
 
 
دواوين الشعراء
القصيدة
قصيدة (((( الدواســــــر عزوووتي )))) للشاعرة النـــــادرة
 

تابع جديدي سجل زواري إهداء القصيدة رشح قصيدتي فهرس ديواني




ياناشدٍ عني فاانا بنت رجــال=فعله سطع مابين قاصي ودانـــــي
راع الوفاء والمرجله طيب الفال=رجل المواقف لاحداك الزمانـــــي
زبن الضعيف اللي حداه أشهب اللال=وضدوه حيَه من حياته يعانـــــي
ستر العذارى لارمو ضافي الشال = لامن براء منهم قريب وعواني
وعون الذي دمعه على الخد همال=أيه أفتخر لاحل ذكره وحــانــــي
أيه أفتخر به ماتبي لوم وجدال=أنا أحمد الله يوم صيته عطانـــي
من غيره اللي لأجله المدح يختال=يفز له قافي ويطرب لســانــي
صحيح ميت بس مازال مازال=صيته مشيد مثل روس المبــاني
كانت وصاته جنبي درب الأنذال=وأسجد لربي وأشكره ماحيــاني
وابعد عن اللي همهم كثر الأقوال=وأعز نفسي عن دروب الطمــانـي
أبوي راع الطيب مضرب للأمثال=أفخر بذكره ياعساه الــجنانــي
وفي لابتي بكتب من المدح ماجال=في بحر فكري من جزال المـعانــي
(( اولاد زايد))هم عما كل من عـال=كسَابه الناموس خطل الــيمانــي
أهل الوفاء والطيب في كل الأحوال=مهما كتبت بطيبهم ما مــدانــي
فزَاعهٍ للجار يوم الزمن مــال=في ساعهٍ عليه ضاق المــكانـي
تاريخهم تفخر به أجيال وأجيال=اللي لهم في قمه المجــد شـانــي
ربعي هل الطالات لا ضاق بي حال=لامن على جهدي زماني حـــدانـي
لاشفت من وقتي تعاسه وغربال=لازادت احزاني ووقتي جفـانــــي
أنخاء ((الدواسر)) عزوتي لاأحتما الجال=اللي لهم وقفــه تعزز كيـــانــي
أطوح النخوه على أسوود وأشبال=صغيرهم يفــزع بلـــيا توانــي
يوم اللقاء و افعالهم نعم الافعال=يردون حوض الموت عزم وتفـاني
يوم الوغاء يوم الخطر يوم الأهوال=عدوهم ضاقت عليه المـــحانـي
تشهد فعايلهم ميادين وجبال=تاريخهم شامخ عليه الضــمانــي
يالايمي في حبهم جعلك أهبال=يلعب براسك لين تقعد تعــانــي !!



النــــــــــادرة



نشرت بتاريخ 24-11-2005  


 


Powered by Dawaween V 1.03
تصميم - برمجة

تصميم : الرّاسم لخدمات التصميم برمجة : أبعاد الإنترنت للتطوير