الواجهة الرئيسية I منتديات خزامى نجد I  إتصل بنا
 
 
دواوين الشعراء
القصيدة
قصيدة مســـافيـــــر للشاعرة النـــــادرة
 

تابع جديدي سجل زواري إهداء القصيدة رشح قصيدتي فهرس ديواني




(( مســـافيــــــر ))

يقول أنا برحل وأخليك وأنساك = وأقول أنا يالله عساها (( مسافير ))
قلبي سعيد ويبغي اليوم فرقاك = كم أنتظرها في سنينً معاسير
أرحل وأنا بمسح من البال ذكراك =وابغا اشطب اسمك دون رحمه وتفكير
وأنسا سنينً ماضيه كنت وياك = أوفا حبيبه لك وأقرب من الغير
كنت الظلال اللي من الشمس يحماك = وكنت القنوف المقبلات المزابير
كنت السند في يوم كلن تبراك = مديت لك كفي وأنا نيتي خير
كنت السعد يوم السعد حيل جافاك = وكنت الخزامى والنفل والنواوير
كنت العطايا والوفاء كنت مركاك = كنت الدلال الزاهيات المباهير
كنت الأمان اللي على الوقت خاواك = يوم أظلم الواقع وعشت التحاسير
رسمت لك لوحه أمل عبر دنياك = وسطرتها بالطيب والصدق تسطير
خليت لك قيمه وتقدير وادراك =والكل ينظر لك بحشمه وتقدير
ووصلتك اللي قاصره عنه يمناك = وكبرت في عين البشر وأنته صغير
مانيب ندمانه على كل ما جاك = أنا أحمد الله عيشتي طيب وبخير
وأنا أحمد الله يوم بانت نواياك = ويوم أنكشف لي ماتوقعت بيصير
واليوم أنا مليت عطني مقفاك = أرحل وفارق ماأبي زود تبرير

النــــادرة

نشرت بتاريخ 24-11-2005


 


Powered by Dawaween V 1.03
تصميم - برمجة

تصميم : الرّاسم لخدمات التصميم برمجة : أبعاد الإنترنت للتطوير