الواجهة الرئيسية I منتديات خزامى نجد I  إتصل بنا
 
 
دواوين الشعراء
القصيدة
قصيدة خربت الرصــّــه للشاعر راشد الذويب
 

تابع جديدي سجل زواري إهداء القصيدة رشح قصيدتي فهرس ديواني

 
 

لاضاق صدر الزمان... وخربت الرصه=وجات الهواجيس... مكبوته ومرصوصه

والليل نصه بدا... يوم انتهى نصه=والعين كنها ...عن الغفوات مقروصه

ذكرتها والضمير... تخالجه غصه=واخذت مع طيفها... لحظات منقوصه

ابكي عليها...واردد باقي القصه=ودموع عيني... لها بالذات مخصوصه

ان نمت كنها ...على الاحلام مختصه=وان قمت... تلعب بقلبي كنه الخوصه

وفي قلبها ...عن مقانيص الهوا شصه=وبخصوص راشد... تجي وتروح بخصوصه

رسايل عيونها ...تأتي بما نصه=اهواك لكن... ظروفي حيل مخبوصه

البعد يامنصفين الحب ... وش خصه=ليه يتحداه ...ويعدل على نصوصه

ياليت ماللفراق ... بجدولي حصه=وياليت شوفة .. حبيب الروح مرخوصه

كان احتويها...مثل خاتم على فصه=وارسم غلاها... بحر واستمتع بغوصه

نشرت بتاريخ 27-11-2005  

 

 


Powered by Dawaween V 1.03
تصميم - برمجة

تصميم : الرّاسم لخدمات التصميم برمجة : أبعاد الإنترنت للتطوير