الواجهة الرئيسية I منتديات خزامى نجد I  إتصل بنا
 
 
دواوين الشعراء
القصيدة
قصيدة إحــــــــــــــذر للشاعر راشد الذويب
 

تابع جديدي سجل زواري إهداء القصيدة رشح قصيدتي فهرس ديواني

 
 

العين فيما مضى للنوم خضاعه=تهنا بنوم المساء ماحد ٍ يقاطعها
واليوم عيني عن الغفوّات جزّاعه=وامسيت اجاهد هواجيسي واصارعها
ولولا ضلوع ٍ تحيط القلب بتـّـاعه=قفت بقلبي مع خيرة قلايعها
الحمد لله مضت الاقدار منـّـصاعه= لأمر الولي جلّ امرها ورافعها
الله امرها وله السمع والطاعه=سبحان منجي مخاليقه ومانعها
انجاك منجي سفينة نوح وشراعه=محصي نجوم السماء عالم مطالعها
ماجور ياحايز الطالات بذراعه=دفعت بلا عن عزيز النفس رافعها
من نسل حر ٍ على الجزلات منّزاعه= حر ٍ وعينه بعيدات ٍ مطامعها
يوم الردي لانوى للميد مطّلاعه= تبرك ذلوله ولاتلحق مرامعها
الطيب والجود والنوماس بنواعه=في راس راشد عريب الساس زارعها
هي له تجاره وانا مشروع وبضاعه=راشد شراها وانا مانيب بايعها
قلته وانا لاغشاني الليل بقناعه=سريت اقلـّـب على الدنيا روابعها
الوزن شوكة عدل للحق قطّاعه=خسران ياطايع ٍ نفسه وتابعها
ياراشد احذر ترا دنياك خدّاعه=من فوقها اليوم وبكره من ودايعها
وان راد ربك ودقت للحشر ساعه=ماعاد للناس صرفه في بضايعها
الوقت ماعاد به مذخور وطماعه=وبقعا خطير ٍ تفرقنا باصابعها
من راح منـّـا حسبنا دون مرجاعه=والي يقوله رجال ٍ شف مصارعها

نشرت بتاريخ 27-11-2005  

 

 


Powered by Dawaween V 1.03
تصميم - برمجة

تصميم : الرّاسم لخدمات التصميم برمجة : أبعاد الإنترنت للتطوير