الواجهة الرئيسية I منتديات خزامى نجد I  إتصل بنا
 
 
دواوين الشعراء
القصيدة
قصيدة يابوي وينــك للشاعرة النـــــادرة
 

تابع جديدي سجل زواري إهداء القصيدة رشح قصيدتي فهرس ديواني



يابوي وينـك عذبتنـي الليالـي ؟؟=ليتك تشوف الحال وشلون منصاب
ليتك تشوف الهم وأوضـاع حالـي=ليتك تشوف الدمع وشلون سكـاب
ليتك تشوف اللـي بعدكـم جرالـي=حتى الفرح يابوي وياك قـد غـاب
أمشي و أنا يابـوي همـي ظلالـي=وأخفيت جرحٍ يايبـه مابعـد طـاب
جرحٍ مـع الايـام لامـن طرالـي=سالت دموع العين من بين الاهداب
ساعة رحيلـك يابعـد كـل غالـي=انهار حلمي وانكسر قلـب معطـاب
خاوتني الحسـره وحزنـي غدالـي=اوفا صديقٍ لي من دون الاصحاب
واوفت لي العبره وضيقـي وفالـي=وعايشتهم يابوي في ديرة أغـراب
يابوي شفت الويـل وانـا لحالـي=تركتني للوقـت ولضيـم الاقـراب
العيش دونـك والزمـن ماهنالـي=موحش بدونك يابعد كـل الاحبـاب
واجهت انا الدنيـا بكـل أحتمالـي=أسد بـاب وتنفتـح بعـده أبـواب
أعيش في حزنـي وهـمّ ارتحالـي=أشيل حمل جبال يابـوي وهضـاب
مالي عضيدٍ فـي حياتـي موالـي=أنخاه لاضاقت معي كـل الأسبـاب
آخـذ برايـه لا تسكـر مجـالـي=وفيه أعتزي كان الزمن كشر الناب
مالي سند غيرك ولا لـي ولا لـي=غيره سواء المعبود هو رب الارباب
أرجيـه سبحانـه عظيـم الجلالـي=يرحمك ياعرب السلاله واالأنسـاب
وينزل على قبرك حقـوق الخيالـي=ويجعل عليه الخير والوبل ينسـاب
ويجعل مقامك فـي جنـانٍ معالـي=وينجيك من شر الهوايل والاصعاب

النــادرة

نشرت بتاريخ 28-11-2005  


 


Powered by Dawaween V 1.03
تصميم - برمجة

تصميم : الرّاسم لخدمات التصميم برمجة : أبعاد الإنترنت للتطوير