الواجهة الرئيسية I منتديات خزامى نجد I  إتصل بنا
 
 
دواوين الشعراء
القصيدة
قصيدة ياالزعيمه يامنيره للشاعرة النـــــادرة
 

تابع جديدي سجل زواري إهداء القصيدة رشح قصيدتي فهرس ديواني

 
 


إهداء إلى صاحبة السمو الملكي الأميرة / منيرة بنت سلطان بن عبدالعزيز



يايمين الطيب يايمنى الجزايل= يايمين الخير يايمنى الأميره
يايمينً فعلها طيب الفعايل =مدها وافي وخيراته كثيره
مدها بالساع ينقذ له عوايل=همها طايل وحاجتها كبيره
عمرها كله غرابيل و هوايل =واشربت من كاس لوعاتٍ مريره
وترتوي من بعدها كبودً غلايل = وتنتعش من خيرها نفوسٍ كسيره
يايمينً فعلها صايل وجايل = يسبق الخيرات ويواصل مسيره
مدها يمشي كما في القوايل =ماشيً ظله على حشودً غفيره
وارثه للطيب من وافي الخصايل =وحاكمً للخير سلطانه وأميره
الزعيم الفذ كسَاب الجمايل =سيرته تفخر بها كل الجزيره
سيدي سلطان وقفاته صمايل =يرتكي للصعب ويحَل العسيره
سيدي هو فخرنا بكل الوسايل =والشعر يزهاه له فعلٍ وسيره
وأنتي افضالك لها صدق ودلايل = تفعلين الخير والمولى خبيره
تشبهين الغيث وأمطاره همايل = من قنوفه كلما روَح غثيره
عمَني خيرك بضيقات الوسايل= يوم قل الجهد ودموعي نثيره
وفقك ربي على فعل الجمايل = وزودك ربي بنعماتة وخيره
ومتعَك ياذخرنا يا أم الفضايل = بالسعاده ياعسى عينك قريره
والتحيه عد همَال المخايل =ياالزعيمه يالأميره يامنيره


النـــادرة

نشرت بتاريخ 28-11-2005  

 

 


Powered by Dawaween V 1.03
تصميم - برمجة

تصميم : الرّاسم لخدمات التصميم برمجة : أبعاد الإنترنت للتطوير