الواجهة الرئيسية I منتديات خزامى نجد I  إتصل بنا
 
 
دواوين الشعراء
القصيدة
قصيدة عقدين مرت00 صوت للشاعرة النـــــادرة
 

تابع جديدي سجل زواري إهداء القصيدة رشح قصيدتي فهرس ديواني



يمَه علام الزمن هو صـايرٍ ضدي ؟=يضحك لغيري وانا لي كاشـرٍ نابه
أخفي طعوني و دمعي جـارحٍ خدي=وأشقت فؤادي طعون الوقت وأسبابه
يا طعون تكفين عن قلب الشقاء هدَي=صدري من اللي حصل يكفيه ماصابه
جارت علي السنين وبيَحـت سدي= والهـم فالقـلب قـام ينصّب اطنـابه
وتاهت جميع الخطى في حلمي الوردي=والحزن طعمه مع الافراح متشـابه
ودنياي ضاقت وهي ما قدَرت جهدي=وغاب السعد مني وحطوه بترابه !
ودرست أنا في مدارس وقت متحدي=وصرنا أنا والعمر والروح طلاَبه !
وصديقـةٍ كنت معها حافظه عهدي=طاعت عذولٍ ورانا تنبح كلابه !
عقدين مرت و أعايش ضيقتي وحدي=العمر يمضي وأنا أطرد مقفي ركابه!
عجايبٍ عـاقبتـني عكـس مـاودَي=والحظ طايح وسعدي طول غيابه!
يمَه تعـالي و حطَــي يـدك بيـدَي=العمر دونك أشوفه صايرٍ غـابه !
مادام موجـود راسـك حي من قدَي ؟= يكفي أشوفك جبال القـلب وهضابـه !

النــــادرة

نشرت بتاريخ 28-11-2005  


 


Powered by Dawaween V 1.03
تصميم - برمجة

تصميم : الرّاسم لخدمات التصميم برمجة : أبعاد الإنترنت للتطوير