الواجهة الرئيسية I منتديات خزامى نجد I  إتصل بنا
 
 
دواوين الشعراء
القصيدة
قصيدة ظــــــل السنابل للشاعرة دمـــــوع الورد
 

تابع جديدي سجل زواري إهداء القصيدة رشح قصيدتي فهرس ديواني



انكسر ظل السنابل ..قبل مـا يخضّـر عـود=وانحنى غصن المزاهر ..قبل ميقات الحصـاد

واشرأبّت في سمانا ..كـل أعنـاق الجحـود=تجحد الأرض وشعاع ٍ ..لاح طيفـه بالبعـاد

ياعصافيـر المحبـه ..اش دعـاكِ للركـود=انزويتي واختلـى عشّـك لاسـراب الجـراد

وياحكايـات الأمانـي تبّـت ايديـن الوعـود=كم توارت في حلـوف ٍ دون ذمّـه وإعتقـاد

كم بنت لي في فضائك قصر وارجوحة ورود=كم تهيأ في منامي.. فـارس احـلام وجـواد

كنت احسب ان الاصابع تحصر الشمس بحدود=وان كفّين الصغيـره تحجـب النـور الوكـاد

وان هاك السهل آمـن لا صخـور ولا قيـود=واني أقدر رغم ضعفي أقطع الوادي ..عنـاد

وان هاك الحقل وافي يغزل أشعـاري عقـود=يبتسم لا مـر حرفـي بيـن نبضـات العبـاد

وكنت احسب ان الشواطي لو ظما قلبي تجود=يووه ياظني نسيته ذا البحـر بالملـح زاد !!!

كانت احلامي مدينه تعـزف الحـان الخلـود=والقدم في أرض حلمي ثبتـت ركـن الوتـاد

والمُزن تحضن طيوفي تملأ أجوائـي رعـود=تحمل البشرى ربيـعٍ يحتفـل بـه كـل وااد

هيه ياذيك المدينه ..جـاوز السيـل السـدود=واختلط طين المنازل مـع تواشيـح السـوااد

وباتت أغصان السنابل تستغيـث الهـم زوود=وكل واحد في طريقه ...لا حياة لمـن ينـااد

لين صارت من عناها لا ظـلال ولا وجـود=وانكسر ظل السنابـل قبـل ميعـاد الحصـاد
.
.
.
دموع الورد


نشرت بتاريخ 28-10-2005


 


Powered by Dawaween V 1.03
تصميم - برمجة

تصميم : الرّاسم لخدمات التصميم برمجة : أبعاد الإنترنت للتطوير