الواجهة الرئيسية I منتديات خزامى نجد I  إتصل بنا
 
 
دواوين الشعراء
القصيدة
قصيدة الطيب فرصه والجمايل توافيق للشاعر سعد بن مناحي بن شفلوت
 

تابع جديدي سجل زواري إهداء القصيدة رشح قصيدتي فهرس ديواني



‘‘ ‘‘ ‘‘ ‘‘

الطيب فرصه و الجمايل توافيـق=ومن لاتوفق ماكتـب لـه جمالـه


ومن لارقى للطيب روس الشواهيق=مازان لـه وقتـه علـى مابدالـه


ومادام لفعول الجمايـل عشاشيـق=كسب الجمايل ما يجـي بالسهالـه


ولو انها تشرب مع فكـة الريـق=كل خذا له كل مـا اصبـح بيالـه


والطيب منوه للقلـوب المشافيـق=كـل يتـوق ومنوتـه راس مالـه


والمدح مايزهى على الرجل ويليق=الا لا صار ت وافيـات خصالـه


يستاهلـه رجـل يفـك المزانيـق=اللي يقال ونعـم لا جـاء مجالـه


ومن ساقته نفسه وهو مابعد سيـق=لاجـل الجميـل يزيـن الله فالـه


والمرجله ماهي بتحتـاج تنسيـق=من بين قلب اللي عشقهـا وبالـه


ومن عادة الدنيا تخـون المواثيـق=تفتـر مكرتهـا سـواة المحـالـه


ولو لا اللوازم ما عرفنا المخاليـق=مانعـرف الرجـال ليـن انعنالـه


والكفؤ تظهر فزعته حزة الضيـق=وينشاف في الشده بعيـن العدالـه


نسل الرجال متعبين المـلا حيـق=متوسط مـن بيـن عمـه وخالـه


واللي يطيق ولا بغى قال مااطيـق=تحرم عليـه المرجلـه والشكالـه


والهينه تكبر على اللاش والهيـق=له في الرخاء قاله وفي الضيق قاله


والطيب شاره والضماير صناديـق=واللاش طيبه مـا تعـدى ظلالـه


وانا اسبر قلوب الرجال المغاليـق=والصامت اقطع غايته مـن مقالـه


ومادام في الدنيا رجـال ومطاليـق=نصيتهـم والـلاش مالـي ومالـه


‘‘ ‘‘ ‘‘ ‘‘

نشرت بتاريخ 29-10-2005  


 


Powered by Dawaween V 1.03
تصميم - برمجة

تصميم : الرّاسم لخدمات التصميم برمجة : أبعاد الإنترنت للتطوير